那天, 當我們一邊看電視, 一邊食 pizza, 準備一齊去睇 musical 既時候, 原來你已經不見了, 當收到 wendy 電話說你不見了的時候, 我們沉默了一會兒, 心裡想著應該冇事吧, 為什麼會是 brian 呢? 你知道嗎, wendy在這個時候還想著把 musical 既 tickets 拿給我們. 試問我們怎會仲有心情去看呢? 即刻去 dee why 找你, micheal 他們在水裡找不到你, 我還天真得以為, 只要水裡沒有, 你還是有生存的機會, 我們就和 wendy 同你 family 一同去另一邊找, 大家一齊叫 “brian, brian”, leanne 一邊說著 “昇仔真係好乖, 千祈唔好有事…..” 係漆黑既沙灘上面, 我好似感覺到你就係我們背後保護著我們, 說著”已經很晚了, 唔好再搵啦, 帶 wendy 返屋企……”

第二天早上, 我們再去沙灘等消息, 見到 auntie, 佢叫我幫手祈禱, 已經24個鐘, 仲未有消息, 腦子空白, 大家都大慨知道奇蹟不會出現了吧? micheal 從水上黎, 告訴我們一個不願意接受既消息, 大家一齊喊, 講唔到野, 眼淚不停流, 你爸爸上車返屋企既時候, 仲話”昇仔, 上車啦, 跟爸爸返屋企”

等左好耐, 終於見到你, 你樣子好安祥, 就好似以前我地做 assignment 你係我屋企訓著左既時候咁樣. 那天晚上不停想著你, 真係很難過, send左個msg 比wendy 安慰佢, 我話我冇法想象到佢既心情, 我不禁問你點解咁忍心走左去? 好高興我們可以和你一同過你最後一個晚上, 真的很高興你有邀請我們去晚飯, 你話黎緊有好多個 trips, 仲話要攪 side business. 話黎緊夏天會同我地去多的 camping, 你同我講笑話’烈火雄心’裡個大肚婆係海到漂左一日都冇事, 你叫 eric 快 d 諗下自己想做乜……

初識你個陣, 覺得你好奇怪, 點解呢個人會有咁多朋友? 點解可以搞一個50 人一齊既 bbq? 點解凍冰冰可以去潛水? 慢慢熟落左之後, 覺得你對人好真, 好照顧朋友, 真係好多謝你帶比我同 eric 咁多個第一次, 第一次會有朋友個個星期請我們去家里食飯, 第一次帶我們進入海底世界, 第一次係海到捉鮑魚, 第一次 camping, 第一次食新鮮係海到捉既魚…..

其實真係好抱歉, 從來沒有認真去看你個 website, 只係知道你放左好多心機去整, eric 同 wendy 現在好努力幫你 update, 希望有 d 去唔到你 funeral 既朋友可以睇返個日既情況, 佢地可能冇你 update 得咁快, 但係佢地有時間一定會做.

brian, 真係好多謝你咁照顧我同 eric, 我地好幸運可以同你做到交心朋友, 個幾晚係你屋企攪你身後事, 情境就好似以前我地係我屋企做 assignments 咁樣, 傾返好多趣事, 最記得有晚你同 wendy 做做下訓著左, 之後病左好耐, 仲話我點解唔幫你”kum”被, 做做下 assignment 變左玩 monopoly, 大家不停傾計到最後要 jacky 執手尾, 你記唔記得? 呢 d 回憶我唔好比自己忘記, 我相信你而家一定係第二個世界好開心緊生存緊, 我知道我地講既野你係聽到既, 你會同我地一齊笑, 我地以後既活動你會出現係我地心中…..

我地會好好照顧 wendy, 唔洗擔心. 無論係邊到都識到朋友既你, 去到邊都冇問題. eric 話你係佢既榜樣, 佢好崇拜你既性格, 佢話會以你為目標生話落去! 永遠懷念你打完魚之後燦爛又充滿自信既笑容, 好多謝你給我們的所有東西…….我和 wendy 期望在夢中可以你再相遇, 請你盡快出現吧!!!!!~~~